Rusiya qüvvələri Belarus ərazisində davam edən təlimlər başa çatdıqdan sonra bu ərazini tərk etməsə, NATO-nun alyansın şərqində mövcudluğunu gücləndirmək lazımdır.
APA xəbər verir ki, bu bəyanatla Latviyanın xarici işlər naziri Edqars Rinkeviçs və həmkarı Eva-Mariya Liimets çıxış ediblər.
"Ukraynaya müdaxilə olub-olmamasından asılı olmayaraq, Rusiya qoşunları Belarusda qalarsa bu, regiondakı vəziyyəti əhəmiyyətli dərəcədə dəyişəcək. Bundan sonra biz də regionda təhlükəsizlik üçün tədbirlərimizə yenidən baxmalıyıq",-deyə Rinkeviçs Teleqraf.com-a müsahibəsində bildirib.
Siyasətçinin fikrincə, bu halda NATO-nun regionda mövcudluğunu gücləndirmək lazım gələcək.
Liimets deyib ki, təlimlər sabitliyi pozan amildir.
"NATO bunun nəticələrini nəzərə almalı və həmçinin regionumuzda müdafiə qabiliyyətinin artırılması yollarını təklif etməlidir",-deyə nazir əlavə edib.
Rinkeviçs həmçinin bildirib ki, Almaniya Ukrayna böhranı ilə bağlı daha fəal mövqe nümayiş etdirməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
