Rusiya xarici işlər naziri Sergey Lavrov və onun türkiyəli həmkarı Mövlud Çavuşoğlu arasında İndoneziyada danışıqlar keçirilib.
APA-nın Moskva müxbiri xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova “Telegram” kanalında paylaşım edib.
O, Lavrov-Çavuşoğlu görüşünün İndoneziyada G20 XİN başçılarının iclası çərçivəsində baş tutduğunu qeyd edib.
***
10:44
Rusiyanın xarici işlər naziri Sergey Lavrov türkiyəli həmkarı Mövlud Çavuşoğlu ilə İndoneziyada keçiriləcək G20 XİN başçıları toplantısı çərçivəsində görüşəcək.
APA TASS-a istinadən xəbər verir ki, Lavrov həmçinin Çin XİN başçısı Van İ ilə də danışıqlar aparacaq.