Liz Trass iqamətgahı qarşısında ilk dəfə çıxış edib.
APA-nın Britaniya bürosunun xəbərinə görə, Böyük Britaniyanın yeni baş naziri “Dauninq Strit” küçəsindəki Baş nazir iqamətgahı qarşısında ilk dəfə çıxış edib.
O bildirib ki, Britaniya ictimaiyyəti dəfələrlə cəsarət və qətiyyət nümayiş etdirib və indi Ukrayna müharibəsinin həmçinin COVID virusunun yaratdığı qlobal problemlərlə üzləşir.
Liz Trass bildirib ki, vergilərin azaldılması və islahatlar yolu ilə iqtisadiyyatı inkişaf etdirmək üçün cəsarətli planı var. O, Böyük Britaniyanın işləməsi, qurulması və böyüməsi üçün öz missiyasında islahatlar aparacağını da əlavə edib.
Qeyd edək ki, bu gün Liz Trass Kraliça ilə görüşmək üçün Balmoral qəsrinə gedib və Kraliçanın yeni hökumətin qurulması ilə bağlı rəsmi müraciətindən sonra o, Böyük Britaniyanın baş naziri olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
