Gürcüstanda azərbaycanlıların kompakt yaşadığı Marneuli rayonunun kəndlərindən birində 15 yaşlı qız evdən qaçıb.
APA-nın Gürcüstan bürosu “Aktual.ge” portalına istinadən xəbər verir ki, hadisə fevralın 2-də baş verib. Bir neçə gün əvvəl zorla nişanlandırıldığı bildirilən yeniyetmənin dünən səhər saat 4 radələrində evdən qaçdığı bildirilir.
Ailəsi məsələ ilə əlaqədar polisə müraciət edib və hüquq-mühafizə orqanlarının əməkdaşları yeniyetmənin axtarışına başlayıb.
Hazırda onun harada olduğu bilinmir.