NATO-nun baş katibi Yens Stoltenberq Rusiya ilə əməkdaşlığa son qoymasından təəssüfləndiyini bildirib.
APA xəbər verir ki, bu barədə Stoltenberq “Vijesti” qəzetinə müsahibəsində bildirib.
“NATO onilliklər ərzində Rusiya ilə münasibətləri yaxşılaşdırmağa çalışıb. Biz NATO-Rusiya Şurasını yaratdıq, Rusiya-NATO-nun təsis aktını razılaşdırdıq və bu ölkəni Avro-Atlantik məkanda təhlükəsizliyi gücləndirmək üçün birgə işləməyə dəvət etdik. Lakin Rusiya etimad və tərəfdaşlıq qurmaqdan, eləcə də daha sıx qarşılıqlı əməkdaşlıqdan imtina etdi. Mən bundan çox təəssüflənirəm”, - deyə o bildirib.
O əlavə edib ki, NATO riskləri idarə etmək və azaltmaq, eskalasiyanın qarşısını almaq və şəffaflığı artırmaq üçün Moskva ilə əlaqələri açmağa hazırdır.
Stoltenberqin sözlərinə görə, Rusiya Ukraynada hərbi əməliyyatları dayandıracağı təqdirdə münasibətlərdə dəyişiklik baş verə bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
