Üzv ölkələrin NATO yanında daimi nümayəndələri İsveç və Finlandiyanın təşkilata üzvlüyünə dair protokolu imzalayıb.
APA xəbər verir ki, NATO Baş katibi Yens Stoltenberq iyulun 5-dən etibarən İsveç və Finlandiyanın NATO-ya dəvətli ölkələr sayılacaqlarını və alyansın işinə qatıla biləcəklərini əlavə edib.
***
12:24
Finlandiya və İsveç xarici işlər nazirləri NATO-ya üzvlük protokolunu imzalayıb.
APA TASS-a istinadən xəbər verir ki, mərasim NATO-nun Brüsseldəki qərargahında baş tutub.
NATO Baş katibi Yens Stoltenberq hər iki ölkənin alyansa üzvlüyünün ratifikasiyası prosedurunun başlandığını qeyd edib.