Netanyahu Ukraynaya silah tədarükü ilə bağlı məsələni araşdıracağını bildirib

Netanyahu Ukraynaya silah tədarükü ilə bağlı məsələni araşdıracağını bildirib
# 05 fevral 2023 02:40 (UTC +04:00)

İsrailin Baş naziri Benyamin Netanyahu milli maraqları nəzərə alaraq Ukraynaya silah tədarükünün mümkünlüyünü araşdıracağını bildirib.

APA xəbər verir ki, bu barədə Netanyahu Fransanın “LCI” telekanalına müsahibəsində bildirib.

O bildirib ki, silah tədarükü məsələsi əvvəlki İsrail hökuməti tərəfindən nəzərdən keçirilib və rədd edilib.

“Mən bu məsələni öyrənəcəyəm və ən adekvat cavab verəcəm. Biz bu məsələni milli maraqlarımıza uyğun olaraq nəzərdən keçiririk”, - deyə Baş nazir bildirib.

İsrail Kiyevi xüsusən də “Dəmir günbəz” hava hücumundan müdafiə sistemi ilə təmin etmək məsələsini nəzərdən keçirirmi sualına Netanyahu müsbət cavab verib:

“Bəli, mən bu barədə düşünürəm. Deyə biləcəyim tək şey budur”.

Netanyahu xatırladıb ki, İsrail hələ hökumət qurmalıdır və xarici siyasətini müəyyənlləşdirməlidir.

#
#

ƏMƏLİYYAT İCRA OLUNUR