1939-1945-ci illərdə Almaniyanın Polşaya təcavüzü nəticəsində vurduğu zərərin ödənilməsi barədə Polşa XİN-in Almaniya Federativ Respublikasına göndərdiyi diplomatik notada əks olunan tələblər açıqlanıb.
APA xəbər verir ki, bu barədə Polşa XİN-in mətbuat xidməti bəyanat yayıb.
Bildirilib ki, Polşa maddi və qeyri-maddi itkilərə görə 6 trilyon 220 milyard 609 milyon Polşa zlotu məbləğində kompensasiya tələb edir.
Həmçinin, alman təcavüzü və işğalı qurbanlarına, habelə onların ailələrinə dəymiş itki və zərərin ödənilməsi; Polşadan götürülmüş və hazırda Almaniya ərazisindəki mədəni sərvətlərin geri qaytarılması üçün Almaniya Federativ Respublikası tərəfindən sistemli tədbirlərin görülməsi;
1939-1945-ci illərdə Almaniya dövləti tərəfindən ələ keçirilən Polşa dövlət banklarının və kredit təşkilatlarının aktivlərinin və onlara olan borcların qaytarılması;
Üçüncü Reyxin cinayətkar hərbi səylərini maliyyələşdirən Reyxskreditkassenin istismarı və Emitent Bankın Polşadakı əməliyyatları nəticəsində ödənilməli olan məbləğlərin hesablanması;
Almaniyadakı Polşa diaspor təşkilatlarının verdiyi itkilərin ödənilməsi;
Almaniyada polyakların və polyak əsilli şəxslərin milli azlıq statusunu bərpa etməklə, xüsusən də ana dilinin tədrisi ilə bağlı mövcud statusu tam və sistemli şəkildə tənzimləmək;
İkinci Dünya Müharibəsinin Polşa qurbanlarının xatirəsinin anılması ilə bağlı Polşa Respublikası ilə müvafiq əməkdaşlıq;
Müharibənin və onun nəticələrinin, xüsusən Polşaya və onun xalqına vurulan zərərin əsl mənzərəsini öz cəmiyyətinə təqdim etmək üçün Alman hakimiyyət orqanları tərəfindən tədbirlər görülməsi tələb olunur.
Bəyanatda qeyd olunub ki, müharibə zamanı SSRİ-nin səbəb olduğu itkilərin hesablanması 1939-1945-ci illər İkinci Dünya müharibəsi zamanı Polşanın alman təcavüzü nəticəsində dəymiş itkilər haqqında hesabatın hazırlanmasında istifadə olunan tədqiqatla müqayisəli şəkildə aparılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
