Ukraynada müharibənin başlamasından sonra NATO-da əsas dəyişikliklərdən biri konseptual səviyyədə olub və artıq alyans ölkələri 1997-ci ildə Parisdə imzalanmış NATO-Rusiya təsis aktının onları məhdudlaşdırmadığını düşünürlər.
APA-nın xəbər verir ki, bu fikirlər “Financial Times”da yayımlanan məqalədə NATO Hərbi Komitəsinin sədri, admiral Rob Bauerə istinadən yer alıb.
Məqalədə qeyd olunub ki, NATO və Rusiya Federasiyası arasında ortaq əlaqələr, əməkdaşlıq və təhlükəsizliyə dair imzalanmış sənəd artıq de-fakto mahiyyətini itirib.
“NATO-Rusiya təsis aktı hələ də mövcuddur. Lakin onun məzmunundakı heç nə bizim etməli olduqlarımızın qarşısını ala bilməz”, - Bauer deyib.
Bauer hazırda bir çox üzv ölkələrin ayrı-ayrılıqda sözügedən aktın artıq qüvvədə olmadığını düşündüyünü bildirib: “İndi siyasi səviyyədə ümumi yanaşma belədir ki, biz bunu (razılaşmanı) tamamilə öldürə bilmərik, amma ondakı heç nə bizi etməli olduğumuzu etməkdən dayandıra bilməz”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
