Gürcüstan namizəd statusu əldə etmək və Aİ-yə üzvlük danışıqlarına başlamaq məqsədilə Avropaya inteqrasiya yolunda əldə etdiyi tərəqqini nümayiş etdirmək üçün əlindən gələni edib.
APA-nın Tbilisi müxbiri xəbər verir ki, bunu Gürcüstan parlamentinin spikeri Şalva Papuaşvili deyib.
Spiker indi növbənin Avropa İttifaqında olduğunu əlavə edib: “Biz digər namizəd ölkələrlə müqayisə etsək, Gürcüstan eyni səviyyədə üzvlüyə layiqdir. İndi top Avropa İttifaqındadır və o, regionda öz gələcəyini necə görməsinə və Gürcüstana dair qərar qəbul etməlidir”.