Almaniya kansleri Olaf Şolz Rusiya prezidenti Vladimir Putinlə telefon danışıqlarını vacib sayır, onlar davam etdirilməlidir.
APA xəbər verir ki, bunu bazar günü Tagesspigel qəzetində dərc olunan müsahibəsində Almaniya Nazirlər Kabinetinin rəhbəri deyib.
“Putinlə yenidən telefon danışığım olacaq, çünki bir-birimizlə danışmalıyıq” – o deyib.
Onun sözlərinə görə, vəziyyətlə bağlı "tamamilə fərqli" fikirlərə baxmayaraq, belə söhbətlər zamanı ton "ədəbsiz" olmur.
Scholz bu kontekstdə Rusiyanın Ukraynadakı xüsusi əməliyyatını “dəhşətli mənasız müharibə” adlandırıb:
"Bəzən söhbət məhbusların mübadiləsi, taxıl ixracı, Zaporojye AES-in konkret məsələlərindən gedirdi. Amma mənim üçün vacibdir ki, söhbət həmişə konkret mövzuya qayıdır – dünya bu dəhşətli vəziyyətdən necə çıxa bilər? Bunun şərtləri bəllidir - rus qoşunlarının çıxarılması”.
Qeyd edək ki, Şolz və Putin sonuncu dəfə 2 dekabr 2022-ci ildə telefonla danışıblar.
Onu da qeyd edək ki, Kremlin sözçüsü Dmitri Peskov yanvarın 29-da bildirib ki, hazırda Almaniya kansleri Olaf Şolzla Rusiya prezidenti Vladimir Putinin qrafiki ilə bağlı razılaşdırılmış danışıqlar yoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
