NATO Baş katibi Yens Stoltenberq Böyük Britaniyaya səfər edəcək.
APA xəbər verir ki, bu barədə NATO-nun mətbuat xidməti məlumat yayıb.
Bildirilib ki, noyabrın 9-da baş tutacaq səfər çərçivəsində Baş katib Stoltenberq Baş nazir Rişi Sunak və xarici işlər naziri Ceyms Kleverli ilə görüşəcək.
Baş katib, həmçinin Böyük Britaniyanın müdafiə naziri Ben Uolleslə birlikdə ukraynalı əsgərlərə təlim keçirilən Britaniya hərbi obyektinə baş çəkəcək.