"Madriddə keçiriləcək Sammitdə biz mühüm qərarlar qəbul edəcəyik".
APA xəbər verir ki, bunu NATO Baş katibi Yens Stoltenberq AMNA-ya müsahibəsində deyib.
O bildirib ki, bu qərarlardan ən vacibi alyansın yeni Strateji Doktrinasının qəbul olunmasıdır: “Şimali Atlantika Müqaviləsi ilə yanaşı, Strateji Doktrina NATO-nun ən mühüm sənədidir. Bu, NATO-nun dəyərlərini, məqsəd və vəzifələrini bir daha təsdiqləyir. O, təhlükəsizlik mühitinin kollektiv qiymətləndirilməsini təmin edəcək və Alyansın gələcək mühitə uyğunlaşması üçün plan kimi xidmət edəcək”.
Stoltenberq qeyd edib ki, 2010-cu ilin Strateji Doktrinası qəbul olunan zaman Avropada sülh hökm sürürdü.
“Lakin Putinin Ukraynaya qarşı müharibəsi bu sülhü pozdu. Həmçinin, 2010-cu il Doktrinasında Çindən bir dəfə də olsun bəhs edilməyib. Bu gün Çinin artan təsiri təhlükəsizliyimiz və demokratiyalarımız üçün nəticələri ilə dünyanı yenidən formalaşdırır. Kibertəhdidlər və iqlim dəyişikliyi kimi digər çağırışlar 2010-cu il Doktrinasında demək olar ki, qeyd olunmur və indi onları gözardı etmək mümkün deyil", - o vurğulayıb.
Stoltenberq Rusiya-Ukrayna müharibəsinə cavab olaraq NATO-nun daha güclü çoxtərəfli institutlara və Avropa ilə ABŞ arasında daha dərin əməkdaşlığa ehtiyac olduğunu qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
