Stoltenberq: "Türkiyənin haqlı narahatlıqlarının fərqindəyik”

Stoltenberq: "Türkiyənin haqlı narahatlıqlarının fərqindəyik”
# 04 iyun 2023 18:08 (UTC +04:00)

NATO-nun baş katibi Yens Stoltenberq Türkiyənin NATO-ya töhfələr verdiyini deyib.

APA TRT Haber-ə istinadən bildirir ki, İsveçin NATO-ya üzvlük prosesi ilə bağlı Stoltenberq Türkiyə Prezidenti Rəcəb Tayyib Ərdoğanla görüşdən sonra belə deyib:

"Türkiyənin haqlı narahatlıqlarının fərqindəyik, İsveç bu narahatlıqları aradan qaldırmaq üçün mühüm addımlar atdı".

Prezident Rəcəb Tayyib Ərdoğan Stoltenberqi Dolmabaxça ofisində qəbul edib. Stoltenberq, açıqlamasında Türkiyənin NATO-ya verdiyi töhfəyə diqqət çəkib.

NATO baş katibi, "Türkiyənin NATO-nun Kosovodakı varlığına əlavə əsgər göndərmə qərarına görə minnətdaram. Türkiyə bu səylərə liderlik edir. Biz Ərdoğanla Türkiyə, İsveç və NATO arasında 12 iyun həftəsində yenidən görüş olması barədə razılığa gəldik" - deyib.

#
#

ƏMƏLİYYAT İCRA OLUNUR