Türkiyə NATO toplantısında İsveçin Madrid Memorandumunu həyata keçirməsi lazım olduğunu bəyan edəcək.
APA xəbər verir ki, bu barədə “Hürriyet” nəşri Ankaradakı diplomatik mənbələrə istinadən məlumat yayıb.
Qeyd edək ki, NATO-nun Brüsseldəki danışıqları alyansın Baş katibi Yens Stoltenberqin təşəbbüsü ilə bu gün keçirilir.
Türkiyədən olan nümayəndələr NATO-nun Brüsseldəki mənzil-qərargahında İsveç və Finlandiyadan olan həmkarları ilə görüşdə şimal ölkələri tərəfindən terrorizmlə mübarizə üzrə Madrid Memorandumunun icrasını ətraflı müzakirə edəcəklər.
Türkiyəni bu görüşdə XİN rəhbərinin müavini Burak Akçapar və Prezidentin sözçüsü İbrahim Kalın təmsil edir.
Xatırladaq ki, Finlandiya və İsveç ötən ilin mayında NATO-ya üzv olmaq üçün müraciət edib, lakin Türkiyə kürd təşkilatlarını terrorçu elan etmələrini, həmçinin 2016-cı ildə terrorizmdə və ya dövlət çevrilişinə cəhddə iştirakda ittiham olunan şəxslərin ekstradisiyasını tələb edərək üzvlük prosesini əngəlləmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
