Türkiyənin xarici işlər nazirinin müavini Yasin Ekrem Serim 21-24 yanvar tarixlərində Türkiyə-Almaniya Miqrasiya üzrə Birgə İşçi Qrupunun 8-ci iclası ilə əlaqədar Almaniya Federativ Respublikasına səfər edəcək.
Bu barədə APA-nın İstanbul müxbirinə Türkiyə XİN-dən bildirilib.
Nazir müavini və Almaniya Federal Xarici İşlər Nazirliyinin dövlət katibi Suzan Baumanın sədrliyi ilə keçiriləcək məsləhətləşmələr zamanı miqrasiya sahəsində mövcud problemlər və bu sahədə mövcud əməkdaşlıq müzakirə olunacaq.