Sənaye obyektlərinə tətbiq olunan elektrik enerjisi təchizatında məhdudiyyət yanvarın 29-dan etibarən aradan qaldırılacaq.
APA-nın yerli bürosunun xəbərinə görə, bu barədə məlumatı Türkiyə Enerji və Təbii Sərvətlər Nazirliyi yayıb.
Qeyd olunub ki, bununla birlikdə yanvarın 31-dən təbii qazın verilməsinə olan məhdudiyyət də 40%-dən 20%-ə endiriləcək.
Xatırladaq ki, yanvarın 20-dən etibarən İranın texniki problemlər səbəbindən Türkiyəyə qaz nəqlini dayandırması, ölkənin sənaye sektorunda ciddi problemlər yaradıb.