Ümumdünya Səhiyyə Təşkilatı (ÜST) müharibə başlayandan Ukraynanın səhiyyə müəssisələrinə 200 hücumu təsdiqləyib.
APA-nın CNN-ə istinadən xəbərinə görə, bu barədə təşkilatın baş direktoru Tedros Adhanom Qebreyesus Ukraynaya iki günlük səfərindən sonra Kiyevdə deyib.
O, tibb müəssisələrinə hücumların dayandırılmasına çağırıb: “Bir dərman var ki, Ukraynaya bu hər şeydən çox lazımdır, lakin ÜST bunu təmin edə bilmir. Ona görə də biz Rusiya Federasiyasını bu müharibəni dayandırmağa çağırırıq”.
Baş katib ÜST-nin Ukraynanın səhiyyə sisteminə dəstəyini davam etdirəcəyini qeyd edib.