Tiflis. Nizami Məmmədzadə - APA. Tiflisdə Avropa Birliyinin “Şərq tərəfdaşlığı” proqramı iştirakçıları ilə AB arasında viza rejiminin sadələşdirilməsi məsələsi müzakirə olunub. APA-nın Gürcüstan bürosunun məlumatına görə, AB-nin Gürcüstandakı səfiri Filip Dmitrov çıxış edərək məsələ barədə fikirlərini bildirib.
Tədbirdə iştirakçı ölkələrdən gələn ekspertlər və QHT rəhbərləri arasında fikir mübadiləsi aparılıb. Ukrayna və Moldovaya viza rejiminin sadələşdirilməsi barədə hərəkət planının təqdim olunduğu bildirilib. Müzakirədə bu hərəkət planının monitorinqinin effektiv metodlarından söhbət açılıb, qeyd edilib ki, dekabr ayının əvvəlində viza rejiminin liberallaşdırılması haqqında hərəkət planı Gürcüstan hökumətinə də veriləcək. Tədbirdə AB ilə vizasız rejimin tətbiq olunmasında bu sənədin əhəmiyyətli addım olduğu vurğulanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
