Bakı-APA. İspaniyanın şimal-qərbində baş verən qatar qəzası nəticəsində ölənlərin sayı 35-ə çatıb. “Frans Press”in rəsmi məlumatlara istinadən yaydığı xəbərə görə, daha 200 nəfər xəsarət alıb.
Qəza Santyaqo-de-Kompostela şəhəri ərazisində baş verib. Yerli KİV-in məlumatına görə, qatar sərt döngəni dönə bilməyib. Yerli sakinlər isə qəzadan əvvəl partlayış səsi eşitdiklərini deyib.
Bütün vaqonlar reysdən çıxıb, sonuncu vaqon isə tamamilə dağılıb. Qatarda 240-a yaxın sərnişin olub. Hadisə yerində fövqəladə xidmətlərin əməkdaşları işləyirlər. Ərazidə qatarların hərəkəti dayandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
