Bakı. Şamil Əlibəyli - APA. 2012-ci ilin yanvarında İtaliyanın Cilyo adası yaxınlığında “Costa Concordia” adlı kruiz gəminin qəzaya uğramasında təqsirləndirilən şəxslərə məhkəmə tərəfindən hökm oxunub.
APA-nın “RİA-Novosti” agentliyinə istinadən verdiyi məlumata görə, Qrosetto şəhər məhkəmənin qərarı ilə gəminin sahibi olan “Costa Crociere” şirkətin böhran mərkəzinin koordinatoru Roberto Ferrarini 2 il 10 ay, bort restoranın direktoru Manriko Camperdoni 2,5 il, komandirin baş köməkçisi Çiro Ambrozio, gəminin zabiti Silviya Koronika və sükançı Yakob Ruslin Bin 1,5 il müddətinə azadlıqdan məhrum edilib. Qəzaya uğramış gəminin kapitanı Françesko Skettino isə ayrıca mühakimə edilir. Kapitanın ömürlük həbs cəzası alacağı gözlənilir.
Qeyd edək ki, göyərtəsində 4200 nəfər olan gəmi 2012-ci ilin yanvarın 14-də qəzaya uğrayıb. Nəticədə 32 nəfər həlak olub, 2 nəfər isə hələ də itkin sayılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
