Bakı. Etibar Məmmədov - APA. Türkiyənin Hakkari vilayətinin Şəmdinli rayonu ərazisində keçirilən hərbi əməliyyatlar nəticəsində iki gün ərzində 14 PKK terrorçusu zərərsizləşdirilib. APA-nın Türkiyə xəbər agentliklərinə istinadən verdiyi məlumata görə, terrorçulardan 8-i ölüb, 6 PKK mənsubu isə sağ ələ keçirilib. Əməliyyat aparılan bölgədə terrorçulara aid 2 sığınacaq məhv edilib.
Əməliyyatlar davam edir.