Bakı – APA. Türkiyənin Muş vilayətinin Bulanık rayonunun Eskiyol kəndində iki ailə arasında silahlı qarşıdurma baş verib. APA-nın “Doğan” xəbər agentliyinə istinadən verdiyi məlumata görə, otlaq sahəsi üstündə yaranan mübahisədə əvvəlcə bel, kərənti kimi alətlərdən istifadə olunub, daha sonra isə kəndlilər odlu silaha əl atıblar. Nəticədə 8 nəfər ölüb, 9 nəfər yaralanıb.
Kəndə jandarmalar yeridilib. Yaralılar yaxınlıqdakı xəstəxanalara çatdırılıb. Hazırda jandarma vəziyyətə nəzarət edir.