AUKUS tərəfdaşlığı çərçivəsində Avstraliyaya göndərilən sualtı qayıqlar nüvə silahı ilə təchiz edilməyəcək.
APA-nın “RİA Novosti”yə istinadən verdiyi xəbərə görə, bunu ABŞ prezidenti Co Bayden ABŞ-ın AUKUS-da tərəfdaş ölkələri olan Avstraliya və Böyük Britaniyanın liderləri ilə birgə çıxışı zamanı deyib.
Onun sözlərinə görə, sualtı qayıqlar nüvə yanacağı ilə işləyəcək, lakin nüvə silahı daşımayacaq.
"Avstraliya qürurlu qeyri-nüvə dövlətidir və belə qalmaq niyyətindədir", - Amerika prezidenti izah edib.
ABŞ prezidenti həmçinin qeyd edib ki, Avstraliya sualtı qayıqlar üçün lazım olan nüvə yanacağını da istehsal etməyəcək.