Avqustun 25-dən sentyabrın 4-dək "Beynəlxalq Ordu Oyunları - 2020" yarışları çərçivəsində Azərbaycanın ərazi sularında "Dəniz kuboku" Beynəlxalq müsabiqəsi keçiriləcək.
APA-nın məlumatına görə, "Dəniz kuboku" müsabiqəsi Azərbaycanın dəniz sularında artıq 4-cü ildir ki, keçirilir.
Bu il Qazaxıstan və İran komandaları COVID-19 virusu ilə əlaqədar müsabiqədə iştirak etmir.
Avqustun 17-də "Dəniz kuboku" müsabiqəsində iştirak etmək üçün Rusiya Hərbi Dəniz Donanmasının (HDD) Xəzər flotiliyasının "Mahaçkala" gəmisi Bakıya gəlib.
Azərbaycan tərəfindən müsabiqədə iştirak edəcək gəmi - "G-122" gözətçi gəmisidir.
Avqustun 19-da "Dəniz kuboku" beynəlxalq müsabiqəsinin hakimlərinə hakimlik hüququ verən sertifikatlar və qol sarğısı təqdim edilib.