Zakir Həsənov “Beynəlxalq Ordu Oyunları - 2019” yarışlarının açılışında iştirak edib

Zakir Həsənov “Beynəlxalq Ordu Oyunları - 2019” yarışlarının açılışında iştirak edib
# 03 avqust 2019 17:40 (UTC +04:00)

Moskva şəhərində səfərdə olan Müdafiə naziri general-polkovnik Zakir Həsənov avqustun 3-də Alabino hərbi poliqonunda təşkil edilən “Beynəlxalq Ordu Oyunları-2019” yarışlarının təntənəli açılış mərasimində iştirak edib.

Müdafiə Nazirliyindən APA-ya verilən məlumata görə, müdafiə naziri həmçinin Bütün Dünya Sülhməramlılarına həsr edilmiş heykəltaraşlıq kompozisiyasının açılış mərasimində iştirak edib.

Sonra general-polkovnik Z.Həsənov “Səhra mətbəxi” müsabiqəsinin iştirakçı ölkələrinin milli mətbəxlərinin xüsusiyyətləri ilə tanış olub və “Tank biatlonu” müsabiqəsinin birinci mərhələsinin çıxışını izləyib.

Qeyd edək ki, hərbçilərimiz ölkəmizdə keçirilən “Dəniz kuboku” ilə yanaşı Rusiyada “Tank biatlonu” və “Səhra mətbəxi”, Qazaxıstanda “Artilleriya atəşinin ustaları”, Belarusda “Snayper həddi” və Özbəkistanda “Hərbi-tibbi estafet” müsabiqələrində iştirak edirlər.

Ordu

#
#

ƏMƏLİYYAT İCRA OLUNUR