Dövlət büdcəsinin Ehtiyat Fondunun vəsaitlərinin 50 faizindən çoxu hərbi xərclərə ayrılıb

Dövlət büdcəsinin Ehtiyat Fondunun vəsaitlərinin 50 faizindən çoxu hərbi xərclərə ayrılıb
  • Clock-gray 11:20
  • calendar-gray 05 İyun 2019

Keçən il ehtiyat fondları vasitəsi ilə xərclənən vəsaitlərin həcmi və xərclənmə vəsaitləri açıqlanıb.

APA-nın məlumatına görə, bu, Hesablama Palatasının 2018-ci il dövlət büdcəsinin icrası ilə bağlı Rəyində əksini tapıb. Sənədə əsasən, keçən il Azərbaycan  Respublikası  Prezidentinin  Ehtiyat  Fondu  üzrə  icra  edilmiş  vəsaitin daha çox hissəsi əsasən Azərenerji ASC (140 milyon manat və ya 46,5%), Əmək və  Əhalinin  Sosial  Müdafiəsi  Nazirliyi  (27 milyon 685,5  min  manat  və  ya  9,2%) və Avtomobil Yolları Dövlət Agentliyi (19 milyon manat və ya 6,3%) üzrə, Dövlət büdcəsinin Ehtiyat Fondu üzrə icra edilmiş vəsaitin daha çox hissəsi əsasən Müdafiə  Nazirliyi  (252 milyon 265,4  min  manat  və  ya  54,3%),  Azərbaycan Respublikası  Prezidentinin  İşlər  İdarəsi  (128 milyon 124,1  min  manat  və  ya  27,6%)  və  Vətəndaşlara Xidmət və Sosial İnnovasiyalar üzrə Dövlət Agentliyi (13 milyon 200 min manat  və ya 2,8%) üzrə olub.

“Azərbaycan  Respublikasının  2018-ci  il  dövlət  büdcəsi  haqqında”  qanununa  əsasən  Azərbaycan  Respublikası  Prezidentinin  Ehtiyat Fondu  üzrə  icra  olunmuş  vəsaitin  məbləği  dövlət  büdcəsi  gəlirlərinin  5%-dən,  Dövlət büdcəsinin Ehtiyat Fondu üzrə icra olunmuş vəsaitin məbləği isə dövlət büdcəsi gəlirinin 2%-dən az olub.

Təqdim  edilmiş  məlumatların  təhlili  göstərir  ki,  2018-ci  ilin  dövlət  büdcəsinə yenidən  baxılma  zamanı  funksional  təsnifatın  bəzi  bölmələrinin  məbləği  ilkin  təsdiq edilmiş büdcədə olan məbləğlərlə müqayisədə artırılsa da, icra prosesində müvafiq icra hakimiyyəti orqanı tərəfindən dəyişikliklər edilərək təyinat məbləği azaldılıb, icra edilmiş məbləğ  ilkin  təsdiq  edilmiş  büdcə  məbləğindən  də  az  olub.  Bu,  xüsusilə  “Sosial müdafiə və sosial təminat” bölməsində daha da nəzərə çarpıb, bu bölmə üzrə nəzərdə tutulmuş məbləğ 145,9 mln. manat artırılsa da, icra prosesində müvafiq icra hakimiyyəti  orqanı tərəfindən dəyişdirilərək ilkin səviyyədə müəyyən edilib. İllin sonunda isə daha az  məbləğdə  icra olunub. Artırılmış  145,9 mln. manat məbləğində  vəsaitin  69,9 mln.  manatı  və  ya  47,9%-i  birdəfəlik  təyinatlı  xərclər  üzrə  qənaət  edilmiş  vəsait  Dövlət büdcəsinin Ehtiyat Fonduna yönəldilib.

Nazirlər Kabinetinin  14  dekabr  2018-ci  il tarixli  835s Sərəncamı ilə büdcədənkənar  xərclər üzrə “Məhkəmə hakimiyyəti, hüquq mühafizə və  prokurorluq”  bölməsində  nəzərdə  tutulmuş  məbləğdən  5970,5  min  manat  məbləğində  qənaət, “Mədəniyyət, incəsənət, informasiya, bədən tərbiyəsi və digər kateqoriyalara aid  edilməyən sahədə fəaliyyət” bölməsində nəzərdə tutulmuş məbləğdən 74,0 min manta qənaət,  “Kənd  təsərrüfatı,  meşə  təsərrüfatı,  balıqçılıq, ovçuluq  və ətraf  mühitin mühafizəsi”  bölməsində  nəzərdə  tutulmuş  məbləğdən  2215,5  min  manat  məbləğində qənaət məbləği Dövlət  büdcəsinin Ehtiyat Fonduna  yönəldilərək qanunvericilik  və icra  hakimiyyəti orqanları üzrə dövlət büdcəsindən maliyyələşən təşkilatların büdcədənkənar xərclərinə aid  edilib.  Müvafiq  dəyişiklik  birbaşa  deyil,  Dövlət  büdcəsinin  Ehtiyat Fonduna  yönəldilməklə Dövlət  büdcəsinin  Ehtiyat  Fondunun  kassa  icrasına  aid edilmədən aparılıb.

2018-ci ilin dövlət büdcəsinin icrası prosesində Nazirlər  Kabinetinin 14 sentyabr  2018-ci il tarixli 627s Sərəncamı ilə “Ümumi  dövlət  xidmətləri” bölməsinin  “Elm”  köməkçi  bölməsi  üzrə Kənd Təsərrüfatı  Nazirliyinin əməyin  ödənişi  üzrə xərcləri  üçün  nəzərdə tutulmuş məbləğdən  199,4 min manat azaldılmış məbləğ Dövlət büdcəsinin Ehtiyat Fonduna yönəldilməklə Qida Təhlükəsizliyi Agentliyinə ayrılıb. Qeyd edilən istiqamət üzrə xərclər (konkret icraçısı göstərilən qurumun əməyin ödənişi xərcləri)  mahiyyət etibarilə birdəfəlik təyinatlı xərclərə aid edilməməlidir.

Hesabat  ilində  Dövlət  İnvestisiya  Proqramının  icrasını  təmin  etmək  üçün  istifadə  edilmiş 7681,1  mln.  manat  məbləğində  vəsaitin  tərkibində  dövlət  əsaslı  vəsait qoyuluşlarının payı  65,8%-i,  beynəlxalq maliyyə  institutlarının  payı  20,7%, Azərbaycan Respublikası  Prezidentinin  Ehtiyat  fondunun  payı  3,4%,  Dövlət  büdcəsinin  Ehtiyat fondunun payı 3,9%  və Dövlət Neft Fondunun payı 6,2%  təşkil edib.

Ramiz Mikayıloğlu

Digər xəbərlər

Arxiv

date