Səbuhi Rzayev

Səbuhi Rzayev

  • Analitik
  • 1 Məqalə

Səbuhi Rzayev. 1988-ci ildə Bakı şəhərində anadan olmuşdur. 2005-2009-cu illərdə Azərbaycan Respublikası Prezidenti yanında Dövlət İdarəçilik Akademiyasında Menecment ixtisası üzrə bakalavr, 2009-2011-ci illərdə Xaricdə Təhsil Dövlət Proqramı çərçivəsində Böyük Britaniyanın York Universitetində Dövlət İdarəçiliyi və İctimai Siyasət ixtisası üzrə magistr təhsili alıb. 2018-ci ildə Riqa Ali Hüquq Məktəbinin Avropa İqtisadiyyatı və Hüququ sahəsində intensiv proqramının, 2019-cu ildə Stanford Universitetinin İnkişaf üçün Liderlik Akademiyasının və Amerikanın tanınmış Aspen İnstitutunun Liderlik proqramının məzunu olub. Dünyanın 40-dan çox ölkəsində 50-yə qədər müxtəlif beynəlxalq təlim, konfrans, seminarlarda iştirak edib. Eyni zamanda, ADA Universitetinin, Avropa Kollecinin, Mərkəzi Avropa Universitetinin və Corc Vaşinqton Universitetinin ixtisasartırma proqramlarının məzunudur. 2016-cı ildə ABŞ-da Peşəkar İxtisasartırma proqramı çərçivəsində Massaçusets ştatı, Boston şəhər meriyasında iki aylıq təcrübə keçib. 2006-2009-cu illərdə dövrün aparıcı gənclər təşkilatlarında rəhbər vəzifələrdə təmsil olunub, Avropa Şurası Gənclər Fondu, Avropa Komissiyasının, Gənclər və İdman nazirliyinin dəstəyi ilə Azərbaycanda 30-dan çox yerli və beynəlxalq layihənin təşəbbüskarı və təşkilatçısı qismində çıxış etmişdir. 2010-2013-cü illərdə Azərbaycanlı Tələbələr və Məzunların Beynəlxalq Forumunun idarə heyətinin üzvü olub. 9 ildən çox dövlət qulluğu təcrübəsi var. 2013-cü ildən Azərbaycan Respublikasının Prezidenti yanında Dövlət İdarəçilik Akademiyasında rəhbər kadrlara dövlət qulluğunda motivasiya və strateji idarəetmə fənlərini tədris edir. 2011-ci ildən Azərbaycan Böyük Britaniya məzunları İctimai Birliyinin, 2016-cı ildən ABŞ təhsilli Azərbaycan məzunları İctimai Birliyinin üzvüdür.

MƏQALƏLƏRİ
Məqalə göndər

APA Bloq nədir?

APA İnformasiya Agentliyi ekspertlərə, ictimai şəxslərə, gənc mütəxəssislərə fikirlərini bölüşmək, rəylərini paylaşmaq üçün platforma təklif edir. Dünyanın tanınmış informasiya agentliklərinin trendi olan “Bloq” artıq APA-da da var. “APA Bloq”da hər bir tanınmış şəxs Azərbaycan qanunvericiliyini və beynəlxalq konvensiyaları inkar etməyən fikrini, rəyini, təhlilini yerləşdirə bilər. “APA Bloq” Azərbaycan, rus və ingilis dillərində məqalələrin, ekspert rəylərinin yayılması üçün yaradılmış platformadır. Platformadan istifadə edəcək şəxslər özləri barədə kiçik avtobioqrafik məlumatı, foto şəkillərini və məqalələrini “APA Bloq”a göndərə bilərlər. Məqalələr platformanın redaktorları tərəfindən rəy verildikdən sonra bloqda əksini tapacaq.