Azərbaycan dörd hərbi əsiri Ermənistana, Ermənistan iki hərbi əsiri Azərbaycana qaytarıb - YENİLƏNİB

Azərbaycan dörd hərbi əsiri Ermənistana, Ermənistan iki hərbi əsiri Azərbaycana qaytarıb - YENİLƏNİB
  • Clock-gray 18:15
  • calendar-gray 28 Dekabr 2020
Ermənistan daha iki azərbaycanlı hərbi əsiri Azərbaycana qaytarıb. 
 
APA-nın TASS-a istinadən verdiyi xəbərə görə, bu barədə bu gün Azərbaycanın Dağlıq Qarabağ bölgəsində yerləşdirilən Rusiya sülhməramlı qüvvələrinin komandanı general-leytenant Rüstəm Muradov jurnalistlərə açıqlamasında bildirib.
 
***
saat 18:01
 
Azərbaycan daha dörd erməni hərbi əsiri Rusiya və Beynəlxalq Qızıl Xaç Komitəsinin vasitəçiliyi ilə Ermənistana qaytarıb.
 
APA-nın "Sputnik Armenia"ya istinadən verdiyi xəbərə görə, bu barədə Ermənistan Baş nazirinin müavini Tiqran Avinyan bildirib.
 
"Əsirlərin geri qaytarılması ilə bağlı artıq onların qohumlarına məlumat verilib. Onlar hazırda həkim nəzarəti altındadır və lazımi tibbi və psixoloji yardım alacaqlar", - deyə o qeyd edib.
 
Baş nazirin müavini vurğulayıb ki, hərbi əsirlərin mübadiləsi prosesi davam edəcək.
 
Xatırladaq ki, əsir və girovların qarşılıqlı mübadiləsi əsasında dekabrın 14-də Ermənistana 44 hərbi əsir qaytarılıb.

Zümrüd Paşkin

Digər xəbərlər