Ermənistan ərazisindən Azərbaycan əraziləri raket atəşinə tutulub - YENİLƏNİB

Ermənistan ərazisindən Azərbaycan əraziləri raket atəşinə tutulub - YENİLƏNİB
  • Clock-gray 09:59
  • calendar-gray 22 Oktyabr 2020

Oktyabrın 22-də səhər saatlarında Ermənistan ərazisindən Azərbaycan ərazisi əməliyyat-taktiki raket kompleksindən ballistik raketlərlə atəşə tutulub.

Müdafiə Nazirliyindən APA-ya verilən xəbərə görə, düşmən tərəfindən saat 07.00 radələrində Siyəzən rayonu istiqamətində 3 raket, saat 09.00 radələrində isə Qəbələ rayonu istiqamətində 2 raket və Kürdəmir rayonu istiqamətində 1 raket buraxılıb.

Ermənistan silahlı qüvvələrinin hədəfi dinc əhali və mülki infrastruktur olub.

Düşmənin raket hücumu nəticəsində tələfat yoxdur.

***

09:43

Oktyabrın 22-də səhər saat 09.00 radələrində Ermənistan ərazisindən Qəbələ və Kürdəmir istiqamətində əməliyyat-taktiki raket komplekslərindən balistik raketlər atılıb. 

Bu barədə APA-ya Müdafiə Nazirliyindən bildirilib. 

apa-logo-mini

Digər xəbərlər