Miyatoviç: "Məcburi köçkünlər görüş zamanı öz evlərinə qayıtmaq istədiklərini bildirdilər"

Miyatoviç: "Məcburi köçkünlər görüş zamanı öz evlərinə qayıtmaq istədiklərini bildirdilər"
  • Clock-gray 14:54
  • calendar-gray 12 İyul 2019

“Azərbaycan hökumətinin məcburi köçkünləri davamlı olaraq mənzillərlə təmin etməklə, onların hüquqlarının qorunması yolunda atdığı vacib addımları yüksək qiymətləndiririk”.

APA-nın Avropa Şurasının rəsmi saytına istinadən veridiyi məlumata görə, bunu Avropa Şurasının İnsan Haqları üzrə Komissarı Dunya Miyatoviç Azərbaycana etdiyi 4 günlük səfərinin nəticələri ilə bağlı bildirib.

D. Miyatoviç 4 günlük səfər zamanı Bakının Sabunçu rayonunda məcburi köçkünlər üçün inşa edilmiş yeni qəsəbədə və Yasamal rayonunda Texniki Universitetin yataqxanasında məskunlaşan məcburi köçkünlərlə görüşdüyü qeyd edib: “Dağlıq Qarabağ və ətraf 7 rayonda həll olunmamış münaqişə nəticəsində Azərbaycanın çox sayda məcburi köçkünü var. Görüş zamanı onlar öz evlərinə qayıtmaq istədiklərini dilə gətiriblər. Lakin indi onlar üçün dolanışıq imkanlarının təmin edilməsi çox önəmlidir”.

D.Miyatoviç məcburi köçkünlərin könüllü şəkildə, təhlükəsiz şəraitdə öz torpaqlarına qayıtması üçün Dağlıq Qarabağ münaqişəsinin sülh yolu ilə həllinin əhəmiyyətini vurğulayıb. 

Rəna Ağayeva

Digər xəbərlər

Arxiv

date