Ceyhun Bayramov: “İkinci Qarabağ müharibəsində Pakistan və Türkiyənin mövqeyi bizim üçün son dərəcə əhəmiyyətli idi”

Ceyhun Bayramov: “İkinci Qarabağ müharibəsində Pakistan və Türkiyənin mövqeyi bizim üçün son dərəcə əhəmiyyətli idi”
  • Clock-gray 19:06
  • calendar-gray 13 Yanvar 2021

"İkinci Qarabağ müharibəsində Azərbaycana göstərdikləri dəstəyə görə Pakistan və Türkiyənin xarici işlər nazirlərinə təşəkkür edirəm".

APA-nın xəbərinə görə, bunu İslamabadda Pakistan, Türkiyə və Azərbaycan xarici işlər nazirlərinin İkinci Üçtərəfli Görüşündən sonra keçirilən mətbuat konfransında Azərbaycanın XİN başçısı Ceyhun Bayramov deyib.

O bildirib ki, Türkiyə və Pakistan Ermənistanın hücumlarını, Azərbaycana qarşı törətdiyi müharibə cinayətlərini qınadılar, suverenlik və ərazi bütövlüyünə əsaslanaraq Azərbaycanı dəstəklədilər və beynəlxalq arenada səslərini ədalətin təcəllası üçün qaldırdılar.

“Pakistan və Türkiyənin bu məsələdə mövqeyi bizim üçün son dərəcə əhəmiyyətli idi. Eyni zamanda, həqiqi dostlarımızın göstərməli olduğu bir mövqe idi. Biz bunu son dərəcə təqdir edirik. Azərbaycan xalqı qürur duyaraq Pakistan və Türkiyə bayraqlarını qaldırırdılar”, - deyə Azərbaycan XİN başçısı vurğulayıb.

apa-logo-mini

Digər xəbərlər