Dövlət Komissiyası: Bu günədək Azərbaycanda saxlanılan 58 erməni Ermənistana qaytarılıb

Dövlət Komissiyası: Bu günədək Azərbaycanda saxlanılan 58 erməni Ermənistana qaytarılıb
# 05 yanvar 2021 14:09 (UTC +04:00)

“27 sentyabrda Azərbaycan Ordusu tərəfindən ək-hücum əməliyyatı zamanı düşmən məğlub edilib. Şəhidlərimizin qanı yerdə qalmadı və qisası alındı. 2020-ci il 10 noyabr tarixli 3 tərəfli bəyanatın 8-ci bəndinə əsasən, hərbi əsir, girov, habelə cəsədlərin dəyişdirilməsi həyata keçirilməlidir”.

APA-nın məlumatına görə, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi Qrupunun rəhbəri İsmayıl Axundov bu gün keçirilən mətbuat konfransında deyib.

O bildirib ki, Dövlət Komissiyası tərəfindən birtərəfli qaydada 2 dekabr, 9 dekabr, 11 dekabr və s. tarixlərdə erməni vətəndaşı olan şəxslər, habelə erməni hərbi qulluqçular Ermənistana təhvil verilib: “2020-ci ilin dekabrın 14-də Azərbaycan Respublikasının 14 vətəndaşı erməni əsirliyindən, həmçinin girovluğundan azad edilərək, vətənə gətirilib. 3 tərəfli bəyanata uyğun olaraq sonuncu proses 28 dekabrda həyata keçirilib. İndiyədək Azərbaycanda saxlanılan 58 erməni milliyyətli şəxs -33 hərbçi və 25 mülki şəxs geri verilib. Azərbaycanda hələ 5 erməni milliyyətli 2 hərbçi və 3 mülki şəxs saxlanılır. Qarşı tərəfdə isə 2 mülki Azərbaycan vətəndaşı saxlanılır. Bunlar barədə Beynəlxalq Qırmızı Xaç Komitəsində məlumatlar var”.

Dağlıq Qarabağ

#
#

ƏMƏLİYYAT İCRA OLUNUR