Lavrov ATƏT-in Minsk Qrupunun həmsədrləri ilə Qarabağdakı vəziyyəti müzakirə edib

Lavrov ATƏT-in Minsk Qrupunun həmsədrləri ilə Qarabağdakı vəziyyəti müzakirə edib
  • Clock-gray 21:14
  • calendar-gray 18 Noyabr 2020

Rusiya xarici işlər naziri Sergey Lavrov ATƏT-in Minsk Qrupunun həmsədrləri İqor Popovu (Rusiya), Stefan Viskontini (Fransa), Endryu Şoferi (ABŞ), habelə ATƏT-in fəaliyyətdə olan sədrinin şəxsi nümayəndəsi Anjey Kasprşiki qəbul edib.

APA xəbər verir ki, bu barədə məlumatı Rusiya XİN yayıb.

Məlumata görə, görüş zamanı Dağlıq Qarabağda və onun ətrafında atəşin və bütün hərbi əməliyyatların dayandırılması barədə üçtərəfli birgə bəyanatdan sonra bölgədəki vəziyyətin həlli üçün vasitəçilik səylərinin əlaqələndirilməsi məsələləri müzakirə edilib.

“Məsləhətləşmələr zamanı 9 noyabrda Azərbaycan Respublikası Prezidentinin, Ermənistan Respublikası Baş nazirinin və Rusiya Federasiyası Prezidentinin atəşin və bütün hərbi əməliyyatların tam dayandırılması barədə bəyanatından sonra Dağlıq Qarabağdakı və onun ətrafındakı vəziyyət müzakirə edilib”, - deyə Rusiya Xarici İşlər Nazirliyinin məlumatında qeyd olunub.

apa-logo-mini

Digər xəbərlər