122 saylı Xankəndi Dairə Seçki Komissiyasının fəaliyyəti üçün normal şərait yoxdur
14 dekabr 2006 15:06 (UTC +04:00)
122 saylı Dairə Seçki Komissiyasının fəaliyyəti və seçicilərin siyahıya alınması üçün normal şərait yoxdur. Bu barədə APA-ya 122 saylı Xankəndi DSK-nın sədri Allahverdi Doluxanov məlumat verib. Onun sözlərinə görə, MSK-nın qəbul etdiyi təlimata əsasən yanvardan başlayaraq seçki dairəsinin ərazisində olan seçicilərin siyahıya alınması prosesi başlayacaq. Bu məsələnin DSK-da müzakirə olunduğunu bildirən A. Doluxanov ortaya ciddi problemlər çıxdığını qeyd edib: “DSK üzvlərinin normal fəaliyyət göstərməsi üçün heç bir şərait yoxdur. Otaqların vəziyyəti keyfiyyətli iş görməyə imkan vermir. Heç bir istilik sistemi yoxdur və soyuq günlərdə işləmək mümkün deyil”. Siyahıyaalınma prosesinin qış vaxtına təsadüf etdiyini bildirən A. Doluxanov digər problem kimi Xankəndi ərazisində yaşamış 20 min azərbaycanlının 40-dan artıq rayonun ərazisində məskunlaşmasını göstərib: “40 rayonun ərazisində yaşayan Xənkəndi camaatını siyahıya almaq üçün biz ən azı yanacaqla təmin olunmalıyıq. Problemlər həll olunsa, dairənin siyahısını hazırlaya biləcəyik. Əks halda, siyahı yenə yarımçıq qala bilər”. /APA/
Daxili siyasət
Müsavat Partiyasının növbəti qurultayının keçiriləcəyi tarix və məkan məlum olub
10:15
24 aprel 2024
Cinayət prosesini həyata keçirən orqana çağırış vərəqələrinin formaları təsdiq edilib
16:51
23 aprel 2024
Sığorta ödənişinin verilməsi qaydası dəyişib
16:50
23 aprel 2024
Siyavuş Novruzov: Xocalı soyqrımını törədənlərə, Gəncəni, Tərtəri, Bərdəni bombalayanlara hələ də sanksiya tətbiq edilməyib
11:16
23 aprel 2024