Sabir Rüstəmxanlı seçki komissiyalarının paritet əsaslarla formalaşdırılması təklifini real saymır
19 dekabr 2006 13:54 (UTC +04:00)
“Müsavatçı deputatlar parlamentdə əyləşiblərsə, bu partiya MSK-ya da öz nümayəndəsini göndərməli idi”. Bu sözləri APA-ya açıqlamasında Vətəndaş Həmrəyliyi Partiyasının (VHP) sədri Sabir Rüstəmxanlı bildirib. Onun sözlərinə görə, bir il əvvəl Müsavat Partiyası vaxtında parlamentə getsəydi, müxalifət MSK-da daha geniş tərkibdə təmsil olunar, məntəqə və dairə seçki komissiyalarında hakimiyyətin öz nümayəndələrini yerləşdirməsinin qarşısı alınardı: “Acı boykot təcrübələrindən nəticə çıxarmamağımız həmişə ciddi problemlər yaradır. Biz həmişə boykota qarşı olmuşuq. Bu boykotların heç bir real nəticəsi olmur. Azərbaycanda boykot texnologiyası yoxdur. Amma dostlarımız boykot, imtina çağırışlarını hələ də davam etdirirlər”. Seçki komissiyalarının paritet əsaslarla formalaşdırılması təklifinə gəldikdə, S. Rüstəmxanlı bunu real saymır. VHP sədri bildirib ki, bu təklifi irəli sürənlər həmişə bir tərəfdə hakim partiyanı, digər tərəfdə isə özlərini görüblər: “Paritetin bir tərəfi məlumdur. Bəs o biri kim olacaq? Axı müxalifətin ümumi birliyi yoxdur. Bu şəraitdə paritet heç nə verməyəcək, sadəcə, hər şeyi iflic vəziyyətinə salacaq. Müxalifət daxilində razılıq olmadan paritet əsaslardan danışmaq mümkün deyil”. /APA/
Daxili siyasət
Cinayət prosesini həyata keçirən orqana çağırış vərəqələrinin formaları təsdiq edilib
16:51
23 aprel 2024
Sığorta ödənişinin verilməsi qaydası dəyişib
16:50
23 aprel 2024
Siyavuş Novruzov: Xocalı soyqrımını törədənlərə, Gəncəni, Tərtəri, Bərdəni bombalayanlara hələ də sanksiya tətbiq edilməyib
11:16
23 aprel 2024
Milli Məclisin növbəti iclası başlayıb
11:01
23 aprel 2024