Zahid Oruc: “ATƏT-in Bakı ofisinin hazırladığı təqvimdə Azərbaycan qadını çox məzlum şəkildə təqdim olunub”
29 dekabr 2006 14:53 (UTC +04:00)
“ATƏT-in Bakı ofisi Azərbaycan qadınını və bütövlükdə cəmiyyəti təhqir edib. Onların hazırladıqları 2007-ci il təqvimində Azərbaycan qadını çox məzlum, zorakılığa məruz qalmış şəkildə təqdim olunub”. APA-nın məlumatına görə, bu fikirləri millət vəkili Zahid Oruc ATƏT-in Bakı ofisinin hazırladığı 2007-ci il təqviminə münasibət bildirərkən deyib. Onun fikrincə, təqvimdəki fotolarda Azərbaycan qadınları həyatdan öz inamını itirmiş formada təqdim olunub. Z. Orucun sözlərinə görə, burada daha çox qadınların mövhumatçı obrazı formalaşdırılıb: “Yaxşı olardı ki, ATƏT-in Bakı ofisinin rəhbəri özünün məzlum bir fotosunu bu təqvimə yerləşdirəydi. Belə bir fotolarla bol olan təqvim insanda mənfi enerji yaradır. Hər ölkədə həyatdan küsmüş insan tapmaq mümkündür. Amma bu o demək deyil ki, onları bir ilin siması kimi təqdim etsinlər”. Z. Oruc məsələ ilə bağlı ATƏT-in Bakı ofisinə etiraz məktubu göndərəcəyini bildirib. /APA/
Daxili siyasət
Bu gün Başlıbel faciəsinin ildönümüdür
00:00
18 aprel 2024
Əfv Komissiyasının iclası keçirilib, 100-dən çox müraciətə baxılıb
16:57
17 aprel 2024
BŞİH Milli Şuranın mitinqlə bağlı müraciətinə cavab verib
16:03
17 aprel 2024
Rusiya sülhməramlı kontingentinin Azərbaycandan çıxması prosesi başlayıb - YENİLƏNİB
23:14
16 aprel 2024