QAT Ermənistanın silah arsenalını artırması ilə bağlı bəyanat verib
08 yanvar 2007 09:00 (UTC +04:00)
Qarabağ Azadlıq Təşkilatı (QAT) Ermənistanın növbəti dəfə beynəlxalq hüquq normalarına məhəl qoymadan silah arsenalını artırması ilə bağlı bəyanat verib. QAT mətbuat xidmətindən APA-ya verilən məlumata görə, bəyanatda Ermənistanın bu hərəkətləri və regionda işğalçı niyyətlərindən geri çəkilmək istəməməsi pislənilib: “Rusiya müxtəlif vasitələrlə Ermənistanı silahlandırmaqda davam edir. Bu da ATƏT-in Minsk Qrupunun fəaliyyətinin anti-Azərbaycan xarakteri daşıdığını bir daha təsdiq edir. Ermənistan da sürətlə silahlanma siyasətini həyata keçirməklə münaqişənin dinc vasitələrlə nizama salınmasında maraqlı olmadığını, işğal etdiyi ərazilərdən çıxmaq niyyətinin olmadığını göstərir. İşğalçı dövlətin regionda hələ də militarist xətt yeritməsi beynəlxalq təşkilatların səmərəsiz fəaliyyətinin nəticəsi kimi qiymətləndirilməlidir”. QAT Azərbaycan hakimiyyətini və cəmiyyətini Ermənistanın militarist hərəkətlərindən düzgün nəticə çıxarmağa çağırıb: “Hərbi gücünü artırmağa çalışan Ermənistana artıq vaxt vermədən, torpaqlarımızın hərbi yolla işğaldan azad olunması üçün qəti addımlar atılmalıdır. Düşmən öz niyyətlərindən geri çəkilmirsə, beynəlxalq təşkilatlar konkret addımlar atmaq istəmirsə, Azərbaycanın hərbdən başqa yolu qalmır”. /APA/
Daxili siyasət
Cinayət prosesini həyata keçirən orqana çağırış vərəqələrinin formaları təsdiq edilib
16:51
23 aprel 2024
Sığorta ödənişinin verilməsi qaydası dəyişib
16:50
23 aprel 2024
Siyavuş Novruzov: Xocalı soyqrımını törədənlərə, Gəncəni, Tərtəri, Bərdəni bombalayanlara hələ də sanksiya tətbiq edilməyib
11:16
23 aprel 2024
Milli Məclisin növbəti iclası başlayıb
11:01
23 aprel 2024