Coğrafiyaçı alim, Naxçıvan Muxtar Respublikası Ali Məclisinin deputatı Nazim Bababəyli vəfat edib.
APA xəbər verir ki, o, 69 yaşında dünyasını dəyişib.
Nazim Səfərəli oğlu Bababəyli 28 may 1953-cü ildə Naxçıvan şəhərində anadan olub. 2003-cü ildən Naxçıvan Dövlət Universitetində Coğrafiya kafedrasının müdiri olan Nazim Bababəyli həm də “Naxçıvan” universitetində müəllim kimi çalışırdı. Əsasən aerokosmik tədqiqatlar, coğrafi və geoloji ekologiyaya həsr olunmuş 180-ə qədər məqalənin, o cümlədən 6 monoqrafiyanın, ali məktəblər üçün bir neçə proqramın müəllifidir.
3 övlad atası olan Nazim Bababəyli görkəmli coğrafiyaçı alim Səfərəli Babayevin oğlu, BDU-nun rektoru Elçin Babayevin qardaşıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
