Deputat Madər Musayev vəfat edib.
APA xəbər verir ki, deputat 75 yaşında dünyasını dəyişib.
Deputat Fəzail Ağamalı APA-ya açıqlamasında bildirib ki, Madər Musayev 15-20 gün reanimasiyada olub.
Madər Musayev bu gün bir sıra daxili orqanlarının çatışmazlığından vəfat edib.
Qeyd edək ki, Madər Musayev 26 noyabr 1947-ci ildə Bakı şəhərində anadan olub. Moskva Kooperativ İnstitutu Bakı filialının sənaye əmtəəşünaslığı və ticarətin təşkili fakültəsini bitirib. 1964-cü ildən Bakı şəhərində satıcı şagirdi, kiçik satıcı, baş satıcı, 1971-ci ildən mağaza müdiri, 1976-cı ildən universamda baş satıcı işləyib. 1986–1995-ci illərdə "Bahar" ticarət mərkəzinin müdiri vəzifəsində çalışıb.
Madər Musayev XII çağırış Azərbaycan Respublikası Ali Sovetinin, I, II, III, IV, V və VI çağırış Azərbaycan Respublikası Milli Məclisinin deputatı olub.
"Şöhrət" və "Şərəf" ordenləri ilə, 25 noyabr 2022-ci ildə isə 1-ci dərəcəli “Vətənə xidmətə görə” ordeni ilə təltif olunub.
Madər Musayevin vəfatı xəbərini ilk olaraq unikal.az yayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
