“Beynəlxalq tədbirlərdə ermənilər Dağlıq Qarabağ və digər məsələləri müzakirə etməyə hazır olduqlarını bildirirlər. Ancaq onlar heç bir halda İrəvana azərbaycanlıların qayıtmasını qəbul edə bilməyəcəklərini ortaya qoyurlar”.
APA-nın məlumatına görə, bunu bu gün Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev Azərbaycan Prezidenti İlham Əliyevin yanvarın 12-də yerli televiziya kanallarına verdiyi müsahibəsi zamanı səsləndirilmiş əsas fikirlərə dair media üçün açıq müzakirələr zamanı bildirib.
F. Şəfiyev deyib ki, Zəngəzur, Göyçə və İrəvanda tarixən azərbaycanlılar yaşayıblar: “Biz yenə o torpaqlara qayıtmalıyıq. Prezidentin babasının qəbrini ziyarət etməsi də buna işarət edir”.