68 saylı Cəlilabad Kənd Seçki Dairəsi üzrə şikayət əsassız sayılıb

68 saylı Cəlilabad Kənd Seçki Dairəsi üzrə şikayət əsassız sayılıb
  • Clock-gray 18:09
  • calendar-gray 22 Fevral 2020

Bu gün Mərkəzi Seçki Komissiyasının (MSK) iclasında Milli Məclisə seçkilərlə əlaqədar 68  saylı Cəlilabad Kənd Seçki Dairəsi ilə bağlı qeydiyyata alınmış namizəd Sakit Mirişovun müraciətinə baxılıb.

APA-nın məlumatına görə, məsələ barədə MSK üzvü Tofiq Həsənov məlumat verib.

T. Həsənov bildirib ki, müvafiq dairə seçki komissiyasının (DSK) qərarı ilə razılaşmayan S. Mirişov müraciətində səsvermə günü müşahidəçilərə müşahidə üçün imkan yaradılmadığını, digər qanun pozuntularına yol verildiyini iddia edib. Müraciət 30 seçki məntəqəsini əhatə edib.

T. Həsənov araşdırma üçün MSK-ya aktların surətinin təqdim edildiyini nəzərə çatdırıb və MSK-nın DSK-nın qərarını qüvvədə saxlamasını təklif edib.

MSK müraciəti təmin etməyib.

Qeyd edək ki, bu dairə üzrə lider namizəd Elman Nəsirovdur.

Ramiz Mikayıloğlu

Digər xəbərlər

Arxiv

date