Bələdiyyə qərarlarının bələdiyyələrin fəaliyyətinə inzibati nəzarəti həyata keçirən orqana göndərilmə müddəti azaldılır

Bələdiyyə qərarlarının bələdiyyələrin fəaliyyətinə inzibati nəzarəti həyata keçirən orqana göndərilmə müddəti azaldılır
  • Clock-gray 13:10
  • calendar-gray 19 İyun 2020

Bələdiyyə qərarlarının bələdiyyələrin fəaliyyətinə inzibati nəzarəti həyata keçirən orqana göndərilmə müddəti dəyişir.

APA-nın məlumatına görə, bu, Milli Məclisin bu gün keçirilən iclasında birinci oxunuşda müzakirəyə çıxarılan “Bələdiyyələrin statusu haqqında” Azərbaycan  Respublikasının Qanununda dəyişiklik edilməsi barədə qanun layihəsində əksini tapıb.

Layihəyə əsasən, bələdiyyələr qərar qəbul etdiyi andan 5 gündən gec olmayaraq onun surətini bələdiyyələrin fəaliyyətinə inzibati nəzarəti həyata keçirən orqana göndərəcəklər. İndiyə qədər bu müddət 15 gün olub.

Analoji məzmunda dəyişiklik “Bələdiyyə torpaqlarının idarə edilməsi haqqında” qanuna da təklif edilir.

Qanun layihəsi səsə qoyularaq qəbul edilib.

Firuzə Vahid

Digər xəbərlər