“44 günlük Vətən müharibəsində Azərbaycan parlaq qələbə qazandı və bölgədə yeni reallıqlar yaratdı”.
APA-nın məlumatına görə, bunu Milli Məclisin bu gün keçirilən iclasında deputat Cavid Osmanov deyib.
Deputat bildirib ki, Azərbaycan artıq dünya masştabında söz sahibi olan dövlətə çevrilib: “Bunu həzm edə bilməyən dövlətlər çoxdur. Ermənistan və onların havadarları Hərbi Qənimətlər Parkını hədəf alır, Vətən müharibəsindən sonra bizim torpaqlara keçən diversantları hərbi əsir kimi dünyada təqdim etməyə çalışır. Postmüharibə dövründə Azərbaycan bölgədə uzunmüddətli sülhün, əmin-amanlığın bərpa olunmasının tərəfdarıdır. Bu günlərdə AŞPA-da da bu məsələylə bağlı müxtəlif parlamentarilər Azərbaycana qarşı qərəzli, böhtanlı fikirlər səsləndiriblər. Nümayəndə heyətimiz onların tutarlı cavabını verib”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
