Milli Məclisin iclasında millət vəkili Hicran Hüseynova deputatların Xarici İşlər naziri Elmar Məmmədyarovu mətbuatda tənqid etməsinin yolverilməz olduğunu bildirib.
APA-nın məlumatına görə, H. Hüseynova müharibə şəraitində olan ölkənin Xarici İşlər nazirinin deputatlar tərəfindən tənqid edilməməsini istəyib.
Millət vəkili Fəzail Ağamalı isə deyib ki, Xarici İşlər nazirimiz daha cəsarətli olmalıdır: “Elmar Məmmədyarovun dişsiz bəyanatlarına reaksiya verənlərdən biri də mənəm. Deputatlar Milli Məclisin Daxili Nizamnaməsinə uyğun fikirlərini ifadə etməlidirlər. Torpaqları işğal altında olan ölkənin Xarici İşlər naziri daha radikal çıxış etməlidir”.
Millət vəkili Tahir Kərimli isə deputatların çıxışları ildə bağlı iradın yolverilməz olduğunu vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
