Hər rayon üzrə xüsusi idarəetməni həyata keçirən müvəqqəti komendantlıqlar nəzdində əməliyyat qərargahları yaradılacaq

Hər rayon üzrə xüsusi idarəetməni həyata keçirən müvəqqəti komendantlıqlar nəzdində əməliyyat qərargahları yaradılacaq
# 29 oktyabr 2020 17:55 (UTC +04:00)

Azərbaycan Respublikasının işğaldan azad olunmuş ərazilərində, Azərbaycan Respublikasının inzibati ərazi bölgüsünə müvafiq olaraq, hər rayon üzrə xüsusi idarəetməni həyata keçirən müvəqqəti komendantlıqlar nəzdində əməliyyat qərargahları yaradılacaq.

APA-nın məlumatına görə, bu barədə Prezident İlham Əliyev “Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında” fərman imzalayıb.

Fərmana əsasən, müvəqqəti komendantlıqların nəzdində aşağıdakı dövlət orqanlarının (qurumlarının) nümayəndələrinin daxil olduğu əməliyyat qərargahları yaradılacaq:

Azərbaycan Respublikasının Dövlət Təhlükəsizliyi Xidməti;

Azərbaycan Respublikasının Fövqəladə Hallar Nazirliyi;

Azərbaycan Respublikasının İqtisadiyyat Nazirliyi;

Azərbaycan Respublikasının Kənd Təsərrüfatı Nazirliyi;

Azərbaycan Respublikasının Ekologiya və Təbii Sərvətlər Nazirliyi;

Azərbaycan Respublikasının Maliyyə Nazirliyi;

Azərbaycan Respublikasının Nəqliyyat, Rabitə və Yüksək Texnologiyalar Nazirliyi;

Azərbaycan Respublikasının Mədəniyyət Nazirliyi;

Azərbaycan Respublikası Ərazilərinin Minalardan Təmizlənməsi üzrə Milli Agentlik;

müvafiq yerli icra hakimiyyəti orqanları.

Həmçinin, fərmana əsasən, zərurət olduqda, əməliyyat qərargahlarının fəaliyyətinə yuxarıda nəzərdə tutulanlardan başqa, digər dövlət orqanlarının (qurumlarının) nümayəndələri cəlb oluna bilər.

#
#

ƏMƏLİYYAT İCRA OLUNUR