Karantin rejimində məhdudlaşdırıcı tədbirlər deputatın şəxsi və xidməti avtomobillərinə də şamil edilməyəcək

Karantin rejimində məhdudlaşdırıcı tədbirlər deputatın şəxsi və xidməti avtomobillərinə də şamil edilməyəcək
  • Clock-gray 12:52
  • calendar-gray 07 Aprel 2020

Milli Məclisin aprelin 9-da keçiriləcək iclasında "Azərbaycan Respublikası Milli Məclisi deputatının statusu haqqında" qanuna dəyişiklik ikinci oxunuşda yeni redaksiyada müzakirəyə çıxarılacaq. 

APA-nın məlumatına görə, Milli Məclisin Martın 30-da keçirilən plenar iclasında birinci oxunuşda qəbul edilən qanun layihəsinə əsasən, epidemiya əleyhinə rejimin, sanitariya-gigiyena və karantin rejimlərinin tətbiqi ilə əlaqədar məhdudlaşdırıcı tədbirlər yalnız deputata şamil edilməyəcəkdi. 

Qanun layihəsinin yeni redaksiyasına əsasən, epidemiya əleyhinə rejimin, sanitariya-gigiyena və karantin rejimlərinin tətbiqi ilə əlaqədar ölkə ərazisində sərbəst hərəkətə qoyulan məhdudiyyətlər deputatla bərabər, onun şəxsi və xidməti nəqliyyat vasitələrinə də şamil edilməyəcək.

Firuzə Vahid

Digər xəbərlər