MM-in Səhiyyə və Hüquq siyasəti və dövlət quruculuğu komitələrində koronavirusla mübarizə müzakirə olunub - YENİLƏNİB

MM-in Səhiyyə və Hüquq siyasəti və dövlət quruculuğu komitələrində koronavirusla mübarizə müzakirə olunub - YENİLƏNİB
  • Clock-gray 16:53
  • calendar-gray 16 Mart 2020

Bu gün Milli Məclisin Səhiyyə və Hüquq siyasəti və dövlət quruculuğu komitələrinin qapalı iclası keçirilib.

APA-nın məlumatına görə, iclas 1 saat 45 dəqiqə davam edib.

İclasda koronavirus (COVID-19) infeksiyası ilə mübarizə və yayılmasının qarşısının alınması ilə bağlı ölkədəki mövcud vəziyyət və görüləcək tədbirlər müzakirə olunub. Nazirlər Kabineti yanında Operativ Qərargahın üzvü, Tibbi Ərazi Bölmələrini İdarəetmə Birliyi (TƏBİB) İdarə Heyətinin sədri Ramin Bayramlı koronavirusla bağlı mübarizə sahəsində görülən işlər, mövcud durum vəziyyət barədə məlumat verib. Daha sonra isə deputatların mövzu ilə bağlı sualları cavablandırılıb.

Daha sonra İnzibati və Cinayət Məcəlləsinə dəyişiklik, Səhiyyə komitəsinin 2020-ci il üçün nəzərdə tutulmuş iş planın layihəsi müzakirə olunub və Milli Məclisin plenar iclasına tövsiyə edilib.

***

15.07

Milli Məclisin Səhiyyə və Hüquq siyasəti və dövlət quruculuğu komitələrinin qapalı iclası başlayıb.

APA-nın məlumatına görə, iclasın gündəliyinə koronavirus (COVID-19) infeksiyası ilə mübarizə və yayılmasının qarşısının alınması ilə bağlı ölkədəki mövcud vəziyyət və görüləcək tədbirlər müzakirə olunur.

İclasda Nazirlər Kabineti yanında Operativ Qərargahın üzvü, Tibbi Ərazi Bölmələrini İdarəetmə Birliyi (TƏBİB) İdarə Heyətinin sədri Ramin Bayramlı koronavirusla bağlı mübarizə sahəsində görülən işlər, mövcud durum vəziyyət barədə məlumat verib. Daha sonra isə deputatların mövzu ilə bağlı suallarını cavablandırıb.

İclasın gündəliyinə İnzibati və Cinayət Məcəlləsinə dəyişiklik, Səhiyyə komitəsinin 2020-ci il üçün nəzərdə tutulmuş iş planın layihəsi müzakirə olunacaq.

Firuzə Vahid

Digər xəbərlər

Arxiv

date