"Milli Məclisin sədri Sahibə Qafarovanın dəvəti ilə “Azərsu" Açıq Səhmdar Cəmiyyətinin (ASC) sədri Qorxmaz Hüseynov Milli Məclisdə Təbii ehtiyatlar, energetika və ekologiya komitəsinin iclasında iştirak edib".
Bunu APA-ya açıqlamasında deputat, həmin komitənin üzvü Fatma Yıldırım deyib.
O bildirib ki, bu gün Təbii ehtiyatlar, energetika və ekologiya komitəsi ölkədə yaranmış su problemlərinin həll edilməsi istiqamətində dinləmə keçirib: “Hazırda ölkədə olan vəziyyətlə bağlı Qorxmaz Hüseynov məruzə ilə çıxış edib. Deputatlar da öz növbəsində həm təmsil etdikləri rayonlarda, həm də ümumiyyətlə, hazırda ölkədə olan su problemləri ilə bağlı təkliflər səsləndirib, çıxışlar ediblər”.
F. Yıldırım qeyd edib ki, iclasda əsasən, su sayğaclarının qoyulmaması məsələsini qaldırıb: “Su sayğaclarının olmaması çoxlu su itkisinə səbəb olur. İkincisi, Bərdədə kanalizasiya sisteminin olmamasının pandemiya dövründə daha çox xəstəliklərə səbəb olması məsələsini gündəmə gətirdim. Q. Hüseynov isə bu məsələnin növbəti layihənin proqramına daxil edildiyini qeyd edib. Yaxın müddətdə bu problemin həllini tapacağına inanırıq”.
F. Yıldırım onu da qeyd edib ki, dünyanın qlobal istiləşmə problemi ilə üz-üzə olduğu bir dövrdə suya qənaətlə bağlı əhalini maarifləndirmə işlərini artırmaq lazımdır: “Bu istiqamətdə telekanallarda videoroliklərin yayımlanması təklifi ilə çıxış etdim. "Azərsu" sədri də məsələnin vacib olduğunu vurğulayaraq bu təklifimizi dəstəklədiyini bildirdi. Həmçinin, rayonlarda mövcud çeşmələrdə su istifadəsinə nəzarət olunmasının vacibliyini bildirdik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
