Partiyaların MSK-ya illik maliyyə hesabatı vermə müddəti sabah başa çatır

Partiyaların MSK-ya illik maliyyə hesabatı vermə müddəti sabah başa çatır
  • Clock-gray 07:00
  • calendar-gray 31 Mart 2021

Siyasi partiyaların Mərkəzi Seçki Komissiyasına (MSK) 2020-ci il üzrə maliyyə hesabatı təqdim etmələri üçün nəzərdə tutulan müddət aprelin 1-də başa çatacaq.

APA-nın məlumatına görə, indiyədək dövlət qeydiyyatına alınan 62 siyasi partiyadan yalnız 7-si illik maliyyə hesabatını MSK-ya təqdim edib.

MSK-ya maliyyə hesabatı təqdim edən partiyalar Yeni Azərbaycan Partiyası (YAP), Azərbaycan Mübarizləri Partiyası, Azərbaycan Xalq Demokratik Partiyası, Azərbaycan Naminə Alyans Partiyası, Azərbaycan Liberal Partiyası, Azərbaycan Respublikaçılar Partiyası və Milli Vəhdət Partiyasıdır.

Qanunvericiliyə əsasən, siyasi partiyalar illik maliyyə hesabatlarını auditor rəyi ilə birlikdə aprelin 1-dən gec olmayaraq MSK-ya təqdim etməlidir.

Qeyd edək ki, MSK aprelin 1-dək illik maliyyə hesabatlarını auditor rəyi ilə birlikdə təqdim etməyən siyasi partiyalar barədə Ədliyyə Nazirliyinə məlumat verməlidir.

Firuzə Vahid

Digər xəbərlər